Bak ‘n brood

30 VOOR 30, Bak 'n brood

“The best thing since sliced bread….”

Die beste ding since sliced bread is… wel sliced bread!! Daar is darem maar baie min dinge so lekker soos ‘n warm stuk gesnyde brood met regte botter op, of kaas, of konfyt of quite frankly whatever jy op jou brood eet.

Brood bak was die een ding wat ek dadelik op my lys van 30 goed geskryf het. Ek hoef nie eers 2 keer daaroor gedink het nie. Ek kan net onthou dat ek al so baie gesê, eendag wil ek nog brood bak. Regte egte brood, nie piesangbrood of brood waar jy sommer die deeg by die winkel koop nie, nee ek wil brood bak, van scratch af, wat geknie moet word, laat rus om te rys, sag hanteer moet word en dan nog na dit uit die oond kom met botter gesmeer word. So toe ek die lys van 30 uitdagings vir myself opgestel het, was broodbak seker een van die eerste dinge, indien nie die heel eerste ding, wat sy plek op die lys gekry het.

Ek het wel gedink om ‘n brood te bak is baie moeiliker as wat ek dit toe nou op die ou end beleef het. Ek weet nie of ek net dalk nie die regte instense proses gevolg het nie en of dit dalk net rerig so eenvoudig was nie, maar hier sit ek en dink, pleks jy dit al lankal gedoen het. Ja ek sê nou nie, dat my brood perfek uitgekom het nie, inteendeel, ek dink ek gaan nog ‘n hele paar brode moet bak om heel tevrede met myself te wees. Maar brood bak het ek gebak, of laat ek eerder sê BRODE is daar gebak.

Ek het eendag iemand hoor sê dat as jy ‘n resep kan lees, kan jy bak en kosmaak. Hierdie “iemand” het wel nie gesê dat ‘n goeie resep deur baie liefde van die kok en lewenservaring aangepas word nie. Nee daai stukkie moet jy maar self uitfigure soos jy weer en weer die resep aanpak en probeer. Gelukkig het ek toe nou my 91 jarige ouma aan my kant om te help met hierdie hele brood bak ekspidisie. ‘n Ouma wat nie meer so lekker sien of hoor nie, maar ‘n ouma wat glad nie skrik vir ‘n uitdaging nie en verseker al ‘n paar resepte haar eie gemaak het.

Die hele broodbakkery moes toe nou in 2 sessies opgedeel word. Ek wou graag 4 verskillende soorte brode wou bak, ja jy het reg gelees, 4 brode. Alhoewel ek ‘n hele dag daarvoor uitgesit het, het Murphy gou ‘n eiertjie kom lê en my bederf met ‘n fisio afspraak. Dit het natuurlik veroorsaak dat ek die brood knieëry moes los vir ‘n ander dag.

Ons het toe nou maar besluit op ouma se driehoek broodjie en ‘n “maklike” broodjie in my ma se resepteboek. Die maklike broodjie was op die ou end toe nie so malik nie en die resep moes bietjie aangepas word, natuurlik en ons het ook besluit om ‘n ekstra geur by te voeg

Erfenis dag was darem om die draai wat toe nou die perfekte geleentheid was vir die ander 2 brode. Die regte egte boerbrood en my tannie se gewilde caramel broodjies.

Nou ja, ek kan nou elke stap uitspel en verduidelik, maar ek het besluit om ons nie almal daarmee te verveel nie. Die 4 brode is gebak, met so klein bietjie frustrasie, baie lag, ‘n paar aanpassings, heelwat sukses, groot lesse, baie groot lesse en ook ‘n besef dat als nie altyd met die eerste probeerslag perfek gaan wees nie. Ek wil wel ‘n paar goedjies deel wat ek in die proses geleer het.

  • Dis rerig nie so moeilik soos wat mens dink nie.
  • Mens gaan nie met die eerste probeerslag dit perfek reg kry nie.
  • Wysheid kom toe wel met die grysheid en daar word baie anders na resepte gekyk, as mens ooit dan nog na resepte kyk.
  • Gooi bietjie meel of olie op die oppervlak waarop jy werk en aan jou hande om seker te maak die deeg klou nie vas nie.
  • ‘n Stukkie bakpapier onder in die pan, wat gesmeer is, help dat die brood nie in die pan vasplak nie.
  • As jy ekstra bestandele soos ham, kaas in die brood wil sit, meng dit saam met die droeë bestandele.
  • Die deeg moet rys, natuurlik, dubbeld sy aanvanklike grootte.
  • Die deeg moet nie koud of warm wees nie, kamertemperatuur.
  • Ouma het sommer die pannetjies met die deeg in, in ‘n plastieksak gesit, en toe in lou warm water, wat maak dat dit makliker rys.
  • Sodra die deeg begin borreltjies bo op maak, is dit reg om oond toe te gaan
  • Hanteer die deeg in die pannetjies versigtig en met omgee, anders val dit plat.
  • As jy aan die gebakte broodjie klop en dit klink hol binne, is die brood reg.
  • Lag vir jouself
  • Kry meel op jou gesig
  • Proe en deel
  • Geniet die hele proses

So kom ek toe nou by die groot les en die uiteinde an die dag.

Geniet die proses. Ja ek weet dit klink cliche, “dit gaan nie oor wen nie, solank mens dit net geniet…blah blah blah”, maar hierdie het so groot werklikheid geword op die dag. Dit was die eerste ding van die 30 goed wat ek aangepak het, iets wat rerig opwindend is, wat ek veronderstel is om te geniet, maar ek moet bieg dis die een ding waarmee ek gesukkel het. .

Ek het dit alles so oordink, die dag moet glad verloop, die brood moet perfek uitkom, die foto’s moet tydskrif mooi wees en en en…. en ja, so vergeet ek om die hele proses te geniet.

Ek het met my fotograaf a.k.a my kêrel baklei want hoekom is hy nie die heeltyd daar om elke beweging af te neem nie en waar is al sy toerusting om hierdie broodbak proses soos iets uit ‘n kos tydskrif te laat lyk. Kan jy glo? Ek het selfs in die proses vir my ouma gesê, dit maak nie saak hoe ons dit doen nie, dit moet net reg lyk op die fotos. Oh my, do you hear yourself Mareli, (rolling eyes emoji). I mean, jy is nie besig met ‘n food blog waar chefs resepte vooraf uittoets en oefen, met ‘n hele filmspan wat als afneem, voor daar oor die regte een geblog word nie, nee jy is besig met ‘n challenge van goed wat jy WIL doen, met jou onderwyser kêrel as fotograaf en 91jarige ouma wat resepte sommer reg ruk as sy dink dit werk nie so lekker nie. ‘n Uitdaging wat jy aanpak en WIL geniet, maar op hierdie stadium net jouself en almal om jou uitstres.

Ek was sommer ‘n op stadium heel emosioneel en geïrriteerd omdat alles nie verloop soos ek dit voorgestel het nie.

Dis maar ongelukkig nie hoe die lewe werk nie, ja weer cliche. Jy kan beplan soos jy wil, maar jy het nie altyd beheer oor hoe jou dag en uitdaging verloop nie. Jy het nie beheer oor ander mense se doen en late nie en as kêrel nie die foto so geneem het nie en die oomblik is verby, dan is die oomblik verby. Jy kan wel besluit hoe jy die situasie gaan hanteer en of jy dit onaangenaam gaan maak vir almal om jou oor dit nie volgens jou beplanning loop nie, of jy kan besluit om dit te geniet en die beste daarvan te maak!

So as jy weer vir my vra, wat is die beste ding since sliced bread… die lesse wat jy daaruit leer en beter doen. Ek besluit dan nou, vir al die uitdagings voorentoe, my eerste doel sal wees, om dit te geniet.

Ons gesels dan weer, tot volgende keer.

Mareli xx

DANKIE aan my amazing fotograaf
a.k.a kêrel wat eintlik ‘n onderwyser is


Toe tref my quater life crisis!

30 VOOR 30

“Your later may be late. Never postpone your salvation HOURS to tomorrow. If it’s not now, it may be never. The days are not OURS!” 

– Isrealmore Ayivor

“Someday”, you said you’d do it yesterday; Yesterday, you said you’ll do it today. Today, if you push it to tomorrow, it’s likely tomorrow, you’ll shift it to “Someday”! Do it now!” 

– Isrealmore Ayivor

Noem dit seker maar ‘n “quarter life crisis” of dalk ‘n “eye opener” ek weet nie, noem dit eintlik maar net wat jy wil, maar hier is ek nou, aan die begin van my eerste blog post waar ek al klaar nie die beste taal gebruik toepas nie en net skryf uit die hart uit. Ja dit is heel moontlik hoe die volgende 30 posts, en die klomp daarna gaan volg, sommer net so uit die hart uit, sonder enige fancy woorde, en verseker taal wat gemeng word.

In elk geval, kom ek verduidelik.

My kêrel het onlangs die groot 30 mylpaal in sy lewe bereik en daar kom ek met ‘n skok agter, dat die ouderdom 30 nie meer so ver vir my is nie. Ja dit is seker nie so erg soos mens dit altyd maak en wat ek op die oomblik voel nie, ouderdom is mos maar net ‘n getal, maar ja ek het geskrik!!

Dis asof mens van kleins af dink, sjoe 30 is oud. Ek is amper seker almal van ons het al op ‘n stadium in ons lewe so gedink. Jou exciting lewe is verby die oomblik wanneer jy die groot drie-nul tref.

Moet my nou nie verkeerd verstaan nie, ek dink glad nie 30 is oud nie. Inteendeel, ek sien soveel mense wat in hulle 30tigs die tyd van hulle lewe het, en meer exciting leef en dinge doen as wat ek op 27 doen. Die realiteit van 30 het net ‘n bietjie vinniger gekom as wat ek verwag en gehoop het.

‘n Mens sê so baie, ek sal eendag graag dit nog wil doen, en ek sal graag dat nog wil doen. Doen mens ooit al die dinge wat jy “so graag” eendag wil doen? Ek het verseker nog nie die oorsese vakansie gevat wat ek nou al so lankal “graag” wil doen nie. Ek het ook nog nie daai painting klaar gemaak wat ek eendag nog graag wil klaarmaak, raam en ophang nie. Maar ek het wel die woord “EENDAG” heeltemal te veel gebruik.

Beteken dit dat ek eendag eers die dinge gaan begin doen, eendag gaan ek eers begin leef, as ek dit nou so “dramaties” kan sê? Wanneer eendag? Eendag wanneer ek eers in my 30tigs is?

Ek het toe nou ‘n paar sommetjies gaan maak, gaan uitwerk wanneer my “eendag-as-ek-groot-is” ouderdom aanbreek. Op die oomblik is ek 27. Ek word 30 op 27 Februarie 2022. Dit wil sê oor 2 en ‘n half jaar is my groot 30… wat beteken ek het 30 maande voor ek 30 word. Bietjie toevallig. Ag maar ek love die significance van getalle!

So het ek nou maar ongelukkig bietjie van ‘n slegte gewoonte om dinge uit te stel en vir eendag te los. Selfs op skool het ek al my take tot op die laaste nippertjie gelos maar dan kry ek baie goed onder druk dinge gedoen. In elk geval, ek hou ook baie van uitdagings en moet bysê, sodra ek vir myself ‘n uitdaging stel, is ek doelgerig om dit te voltooi.

Ek het baie gesê, Eendag wil ek dit doen, maar na my effense skrik van 30-is-nie-meer-SO-ver-nie, het ek besluit my EENDAG is nou VANDAG! Ek gaan nou ‘n uitdaging vir myself gee en nou die dinge begin doen.

30 dinge voor ek 30 word in 30 maande.

Yes, there it is. 30 voor 30. Ek sal graag in die volgende 30 maande dinge wil doen wat ek nog altyd wou doen. Dis nou nie noodwendig te sê dit gaan 30 major, life changing dinge wees nie, maar iets soos om ‘n brood te bak of net tyd te maak om te lees, sal deel maak van die lysie. Daar is natuurlik meer extreme challenging dinge wat my langer gaan neem as ‘n maand, maar die lysie gaan ek nou nie meer langer los tot eendag nie!

Nou vir die lysie… Hier is die 30 dinge wat ek in volgende 30 maande wil aanpak voor die ouderdom van 30! Van die goed gaan ek verseker in ‘n dag gedoen kan kry, van dit gaan oor die tydperk van die volgende 30 maande gebeur en daar is selfs hier en daar iets wat nie noodwending, of selfs glad nie, in my hande is nie.

  1. Begin ‘n Blog
  2. Gaan oorsee
  3. Bak ‘n brood
  4. Hardloop ‘n wedloop
  5. Bereik my “Health & Fitness” doelwitte
  6. Maak ‘n painting klaar
  7. Maak klere van “scratch” af op die regte manier
  8. Gaan op ‘n staptoer
  9. Lees 30 boeke
  10. Leer ‘n nuwe taal
  11. Leer die kuns van fotografie
  12. Leer om macrame te doen
  13. Leer om hand borduurwerk te doen
  14. Doen pottery
  15. Eet by ‘n baie fancy en duur restaurant
  16. Woon ‘n kookklas by
  17. Skryf ‘n fliek
  18. Gaan doen ziplining
  19. Gaan doen power paragliding
  20. Begin met kontemporere dansklasse
  21. Kry ‘n agent
  22. Maak honeycomb, skuimpies en fudge
  23. DIY iets groot soos ‘n boekrak
  24. Brei ‘n trui
  25. Gaan op daardie koffie afspraak wat mens so lank uitstel
  26. Maak jou verhoogstuk klaar
  27. Raak verloof – HOPELIK!
  28. Begin met “Bullet journal”
  29. Doen ‘n ordentlike roadtrip met baie fotos
  30. Sny jou hare

So hier het julle dit nou, my quater life crisis opgesom in my eerste blog post. Vir die volgende 30 maande beoog ek om elke maand op die 27ste, iets van die lysie af te tick en almal op hoogte te hou.

Ek neem aan nr 1 op die lysie kan ons so semi aftick, maar ek sal ‘n legit post daaroor maak wanneer die blog bietjie meer aan die gang is.

Lets do this! My 30 maande begin verlede week Dinsdag (shock emoji), of moet ek eerder sê moes verlede Dinsdag begin het. Ek is baie opgewonde vir die volgende 30 maande wat voorlê en die wat daarna volg. Laat weet my wat jy dink, of daar iets is wat ek by die lysie moet add, of as jy van ‘n cool plek weet waar ek die goed kan doen. Laat weet ook indien jy “keen” is om die lysie saam met my aan te pak!

Bye vir nou!
Mareli xx

DANKIE
Bianca Potgieter vir my mooi fotos!!